علاج مرض القولون العصبي؟

 

خشونه الركبه

🛑 خشونه الركبه :

💢 خشونة الغضاريف بتسبب ألم نتيجة قلة أو اختفاء المادة اللزجة اللى بتسهل حركة الركبتين مما يؤدي إلى الاحتكاك وبالتالي الآلام عند القيام بأي مجهود في الحركة، وتزيد حدة هذا المرض من العمر 45 سنة فما فوق لكن بنسب متفاوتة، تبعا للوزن وطبيعة العمل أو الحركة التي يقوم بها المصاب، وتآكل الغضروف في الركبة هو السبب الرئيسي في خشونتها، ومش زى مكان معروف انها تآكل في العظم، كل ما فى الموضوع ان الغضروف المبطن لسطح المفصل بيبدأ بالتآكل مع التقدم في السن وبالتالي هيحصل فجوات على سطح الغضروف اللى بيقوم بتسهيل حركة العظم على العظم الآخر ومع الوقت والحركه وزياده الوزن تزداد هذه الفجوات على سطح الغضروف، وتصل إلى مرحلة أن يتآكل تماما في بعض المناطق، مما يقوي فعل الاحتكاك بين العظمين في المفصل.

📌أسباب خشونة الركبة :

🔺الوراثة: فيه دراسات اثبتت وجود عوامل وراثية لهذا المرض.

🔺السمنة: وهي من أهم اهم اهم مسببات هذا المرض.

🔺العمر: تزداد الإصابة مع تقدم السن ومع فقدان الغظارف لحيويتها.

الإجهاد المتكرر للركبة: الناس إللى بتعمل عمل لفترات طويلة بوضعية ثني الركبة.

🔺الرضوض السابقة في الركبة : والنساء عرضه بهذا المرض أكثر من الرجال. ( وهبقى اقولكوا ليه) 

📌أعراضه :

 

🔺ألم عند ثني الركبة للصلاة مثلا أو مع صعود السلم أو نزوله أو المشي في الحالات المتقدمة، وكذلك صدور أصوات نتيجة احتكاك العظمين المتجاورين مع حركة المفصل

📌العلاج الدوائي لخشونة الركبة :

 

👌 مفيش علاج بيتخلص من ألم خشونه الركبه بشكل نهائى وإنما بنحاول نعالج الاعراض بالإضافه اننا نمنع حدوث اى مضاعفات ، بندى مجموعة من الأدوية الفعالة اللى بتقلل من تطور خشونة الركبة وتمنع تطورها وتساهم في تخفيف نسبة الإلتهاب وتغذية المفصل بشكلٍ مستمر، والحد من تآكل الغضروف، ومنها مضادات الإلتهاب، ومسكنات الألم وباسط العضلات، بالإضافة إلى مجموعة من المراهم الطبية اللى بتعمل على تحسين حركة المفصل تدريجيًا

⁉️ هل فيه علاج طبيعى بيساعد على تخفيف خشونه الركبه؟

💢 فيه كتير من أصناف العلاج الطبيعية الفعاله في تحسين حركة مفصل الركبة دون التسبب بأي أضرار جانبية، زى العلاج الطبيعي بالإبر الصينية أو الموجات فوق الصوتية أو الموجات القصيرة أو شمع البارفين أو موجات الليزر، واللى بتقوم بدور فعال في تقوية عضلات مفصل الركبة وتحسين حركته تدريجيًا، وفيه أعشاب كويسه جدا في تحسين حركة المفصل مثل استخدام البابونج والتدليك بزيت الزيتون أو استخدام القريص والخردل وزيت الأوكاليبتوس وزيت الزنجبيل الحار، أو الكرفس، أو عصير الليمون أو زيت بذر الكتان وكتير تانى. 

🔺 لو الحاله كانت بتسوء ومفيش اى تحسن بيلجأ الطبيب المختص الجراحه والجراحه هنا بيكون ليها اكتر من صوره 

🔺الجراحة باستخدام المنظار، وبتكون دايما فى الناس إللى اقل من 40 عاماً. ( امان جدا)  

🔺او جراحة قطع العظم، وتشمل قطع جزء من العظم لتخفيف الثقل والاحتكاك والضغط الواقعة على مفصل الركبة.

🔺او فى الحالات الشديده بيتم استبدال مفصل الركبة، ( ودى أشد خطوره ومن العمليات الصعبه جدا ومش اى جراح يقدر يعملها) بيتم استبدال الأجزاء المتضررة من مفصل الركبة بأجزاء صناعية خ، و يحتاج المريض لتكرار هذه العملية مي المستقبل، البدائل الصناعية بتتلف مع الوقت.

أتمنى لكم الصحه والعافيه ورضا الله للجميع..