علاج مرض القولون العصبي؟

 

صعوبه (ضيق) التنفس

🛑 صعوبه (ضيق) التنفس .. ✋

💢 صعوبه التنفس ليها أسباب كتيره جدا منها⬇️

1⃣ الذبحه الصدريه

2⃣ حساسيه الصدر 

3⃣ مشكله في الانف والفم وبالتالي ده بيولد صعوبه في اخذ النفس ودخول الهواء لصدر الشخص المصاب 

4⃣ اصابات خارجيه في منطقه الصدر أدت لوجود صعوبه في التنفس.

5⃣ الربو الشعبي(حساسيه الصدر) وده من اهم وأشيع الامراض في مجتمعنا نتيجه لكثره العوامل المسببه ليه منها الأتربه وحبوب اللقاح وحشره الفراش والتعرض المستمر لنزلات البرد والانفلونزا بيثير حدوث الحساسيه ⚠️⛔✋

☑️ خلينا ناكد ان حساسيه الصدر هي مرض مزمن بمعني انها مش بتخف والسلام زي السخونيه مثلا ولكنها للأسف مستمره.. ⚠️. 

🔘 والنوبات دي بتحصل عند التعرض لروائح نفاذه او التعرض للحاجه المسببه للحساسيه عند الشخص (مسببات أخري) ودي بتختلف من شخص للتاني .. علشان كده يجب أنك تبعد المريض عن الاماكن التى تنتشر فيه مسببات الحساسية مثل الروائح النفاذة أو المواد الكيميائية وغيرها

🔵 اثناء التعرض للنوبه يعني حدوث ضيق في التنفس ويبدا صدور صوت (تزييق) صفير wheezing ... 🔚 بنبدأ نستخدم البخاخه والبخاخات انواعها كتير جدا منها نوع من البخاخات بنستخدمه اثناء حدوث النوبه كنوع من انواع الانقاذ ، وانواع تانيه بنستخدمها بين النوبات 

⚫️ طيب اتصرف ازاي وأسعفه ⁉️

1- ابدا خرج الشخص ده في مكان جيد التهويه  

ولو هو في مكان مقفول نبدأ نفتح الشبابيك كويس اوي و لو هو في مكان مزدحم نحاول نبعده عن الزحام تماما علشان نضمن إنه بيتنفس كويس ..

2- لو فيه اي حاجه ضيقه لابسها حول العنق نحاول اننا نفكها ونفتحها قدر الإمكان علشان نقلل من احساسه ب الاختناق 

✅ وطبعا مننساش نسأله سوال مهم جدا !⛔

هل بياخد علاج معين لما بتجيله النوبه دي ولا لا ؟ 

▪️ساعتها هيقولك علي مكان البخاخه ويبدأ في استخدامها

🔺 طيب ازاي نستخدم البخاخه بشكل سليم؟!⚠️⬇️

🔅 في البدايه بناخد نفس ونطلعه تاني (نفس عميق )

🔅ابدا احط البخاخه في الفم واتاكد اني قافل عليها بشكل محكم تماما واثناء مانا حاططها في الفم وببخ

 

🔅 اتاكد اني باخد وبسحب نفس عميق جدا في نفس التوقيت 

وده 🔚علشان اساعد الدوا اللي بيخرج من البخاخه يدخل عندي لأبعد مكان ويقدر يفتحلي الشعب اللي حصل فيها ضيق . 

🔅 بعد استخدام جهاز الاستنشاق وتناول الأدوية ، قدم للمريض سوائل دافئة مثل الينسون والنعناع، ليساعد على تهدئة السعال والحد من الاختناق. 

🔅 إذا زادت الاعراض ولم يتحسن المريض يجب الاتصال بسيارة الإسعاف لنقله إلى المستشفى فورا. ✋

👌 وطبعا مش محتاجه انبه اني علشان اتجنب كل ده ... لابد من أخذ الادويه والبخاخات بشكل منتظم وليس عند الحاجه فقط طبعا حسب ارشادات الطبيب المختص.. ✋